Let Go

--inuunahan ko na ang madla, ipagpatawad ninyo ang mga kababawan ng gawa ko, bata pa po ako nito, walang alam sa mundo (gumawa daw ba ng excuse?!). Wala din itong kinalaman sa buhay ko (kaya naman bj, wag kang mag-isip ng kung anu kung hindi di ka magiging SWAN!), isa pa po ito sa mga nahalungkat ko sa aking mahiwagang notebook, originally English ito kaso, alam kong madaming wrong grammar kaya tatagalugin ko na lang --

"Cherry, I'm so sorry...Hindi ko sinasadyang mahalin siya.." Humihingi ng tawad si Matthew sa kanyang girlfriend dahil gusto na nitong makipaghiwalay.

"Matt, okay lang yun, sabi nga nila 'expect the unexpected'" sinusubukan ni Cherry na pagaanin ang sitwasyon. Para sa isang taong hinihiwalayan, hindi galit si Cherry.

"Huwag mong isipin na hindi kita minahal nung magkasama tayo. Minahal kita pero ngayon nakita ko na ang "true love" ko, for good." Nagulat si Cherry sa sinabi ni Matt pero hindi niya ito pinakita bagkus ngumiti pa siya dito at sinabi, "Siguro, hindi talaga tayo para sa isa't isa at alam kong merong ibang nakatadhana para sa akin."

"Napakabuti mo Cherry, alam kong makikita mo ang lalaking para sayo." at nagpaalam na si Matt. Walang ibang ginawa si Cherry para pigilan ito, nagkasya na lang siya na titigan ito habang papalayo sa kanya. Biglang nawalan ng malay si Cherry at nang gumising siya, nasa loob na siya ng isang ospital. Dumating ang doktor at kinausap siya.

"Ms. Dominquez, palala na ng palala ang kondisyon mo araw-araw. Mas makakabuti sayo na mag-stay dito sa ospital para maobserbahan ka."

"Doc, mamatay na po ba ako?" tanong niya.

"Kritikal ang na kalagayan mo dahil mahina na ang puso mo, hindi ka na maaring sumailalim pa sa isang heart transplant dahil ilang beses ka ng naoperahan. Magpahinga ka na muna sa ngayon." Lumabas na ang doktor sa silid niya.

"Ma-matay na ako.." nanghihinang saad niya and she sighed. "Mabuti na lang at magiging masaya na si Matt kahit wala na ako dito.."

Naalala niya ang panahong nadiagnose siya na may butas ang puso niya. Alam niyang ikamamatay niya yun. Kaya naman kinausap niya ang matalik na kaibigan na si Mae. Sinabihan niya itong makipaglapit kay Matt. Walang alam ang kaibigan niya na nobyo niya si Matt dahil kakagaling lang nito sa Amerika. Wala din itong alam tungkol sa sakit niya, maski si Matt. Inakala ni Mae na ipini-pair lang niya ito kay Matt dahil nga kakahiwalay lang nito sa boyfriend at broken-hearted pa. Umayon sa kanyang plano ang lahat. Handa na siyang antayin ang oras niya.

Ilang linggo ang nakalipas. Sa ospital.

Nakahiga si Cherry sa hospital bed. "Masaya na ang mga importanteng tao sa buhay ko, handa na akong umalis na may ngiti sa labi..." Cherry said to herself. Naramdaman niyang hindi siya makahinga. Nagmamadaling tinulungan siya ng nars at kasunod nun ay ang pagdating ng doktor. Sinusubukan siyang isalba ng mga ito... ngunit wala na siya.

Nabalitaan nila Matt at Mae ang nangyari. Pumunta ang mga ito sa pinagdausan ng libing. Nilapitan sila ng ina ni Cherry at iniabot ang sulat na nakita sa ilalim ng unan ng dalaga.

Dear Matt,

     Masaya ako at nakita mo na ang kaligayahan mo at least kahit wala na ako, alam ko na may mag-aalaga at magmamahal sayo tulad ng pagmamahal ko. Pinlano ko ang lahat para naman hindi ka malungkot pag-iniwan kita. Palagi mo sanang tatandaan na, saan man ako naroroon, patuloy kitang mamahalin.

                                                                                                       Cherry

Hindi makagalaw si Matt habang hawak pa din ang sulat. Hindi niya namalayan na lumuluha na pala siya.

"Letting go of someone doesn't mean we're hurt but we let go because we want the person to be happy with someone else."

--oh ha! may kasama pa palang quote ito! Palagay ko nagawa to dahil sa palabas na "Lavender" yung taiwanese drama. walang originality! hahaha!--