USAPANG MRT

Warning: Ito’y nilikha ko dahil gusto ko lang. Wala itong halong katotohan. Ang nais ko lang ay pagkatuwaan ang MRT at mag-pauso. Ito ay pantagal ko ng stress kaya: Walang pakilamanan!

USAPANG MRT

Naisip ko ito habang kasama ang aking sundo na si Lyn (Iba na kasi pag nagkakatrabaho, nag-iiba ng pangalan parang si Rina!)

Ang mga sumusunod ay ang mga panawagan/paalala/pakiusap at kung anu-ano pang ‘pa-‘ na MRT.

===

Paging System (PS): “Paalala lamang po sa mga pasahero, huwag po tayong tumapak sa DILAW NA TILES para di po tayo malaglag”

MRTians (mga sumasakay/suki ng MRT) : Talaga? (Pagkatapos ay

(Maya-maya may lalapit na guard, hinahawi ang mga pasahero na pasaway)

Guard: Huwag po kayong tumapak dyan, baka malaglag po kayo (NGEK!)

===

PS: Next train na lang po yung mga hindi makaksakay, next train na lang, next next train na lang, next next next next train na lang po.

===

PS: Wag po nating pigilan ang pintuan para di tayo maabala. Try ninyo na lang po yung bintana. Pwede din po kayong sumabit sa dulong bahagi ng train.

===

PS: Para sa mga papuntang North bound, maluwag po ang padating na train, yung mga makakahabol, humabol na lang po kasi skip train po yun, di po siya titigil sa Ayala Ave.

===

PS: Ipinapatupad po natin ngayon ang segregation scheme. Ang mga babae, matatanda, mga buntis, mga bata at may kapansanan, dun po kayo sa unahang bahagi ng tren. Para sa mga lalake, at mga babaeng gustong magpatsansing, mga babaeng may syota na ayaw maghiwalay, at mga babaeng amazona dun lamang po kayo sa dulong bahagi ng tren. Para naman po sa mga bading at tomboy, bata man o matanda dun na po kayo sa gitnang bahagi ng train, Maraming salamat po.

===

PS: Dun po sa mga hindi makakasakay buti nga sa inyo, ang bagal ninyo kasi! Next train na lang po.

===

PS: Iwasan po nating magtulakan sa pagpasok at paglabas, lahat po kayo ay makakapasok (hindi lang natin alam kung kelan)

 

===

PS: Para po sa inyong kaligtasan humawak lamang po tayo sa mga marurupok na handle at kinakalawang na metal bars. Para naman po sa hindi makakahawak, kumapit na lamang po kayo sa mga balikat ng inyong katabi.

===

PS: Ortigas station, Ortigas station, ay mali, Santolan station po pala, ay teka Cubao na po, ay mali, nasaan na ba tayo? Sorry po kasi bago lang ho ako eh, teka lang (sabay radio sa mga kasamahan).

===

PS: North Ave station, North Ave. Last station na po. Yung mga nakasakay pa diyan bumaba na po kayo!

===

PS: Sorry for the inconvenience, the defective guard will be inspecting your belongings, thank you.

Guard: (parang nag-eexercise lang sa pagchecheck ng mga bags)

 

===

PS: Paalala po sa mga pasahero, kung maari lamang pong magpayong kayo sa loob ng train dahil po may maliit pong pag-ambon sa gitnang bahagi ng train, maraming salamat po.

 

===

MRTians: (nagtutulakan papasok at palabas, nagmumurahan ang mga pasahero)

PS: Welcome to North Ave station. Good Morning, have a nice day!